Share

شاكيرا بقت بتاعت التربيه . . a7a :))





للتربية ؟؟؟ .. يا نهار اثوود .. يا نهار اثوود !!
ويقولك محللون استراتيجيون أمريكيون يرونها خطوة لجذب أصوات الناخبين في الانتخابات !!
بس أنا بقى كمحلل استراتيجي من طنطا فاهم وعارف الحركات دي أقولك أن أوباما ده صايع صياعة السنين .. البيه المحترم ، الطويل ، الأسمر ، ابن النيل - قصدي ابن المسيسيبي - مش قادر يخبي انحرافه واعجابه بالبنت اللاتينيه الجميلة ممشوقة القوام .. قوم ايه بقى .. بدل ما يقابلها في السر على كافيه في المهندسين و"ميشيل" تطين عيشته وعيشة اللي جابوه وتفتح عليه ملفات
التفرقة العنصرية وهجرة السود إلى امريكا في تلاتينات القرن الماضي يقولك اشتري دماغي يا عم و اعينها في البيت الابيض .. مهو الأهم من الشغل تزبيط الشغل .. واهي تبقى قدامي ليل ونهار وتحت طوعي .. اكتبي الفايل ده يا شاكيرا .. حاضر يا سيدي .. اطبعي التقرير ده يا شاكيرا .. أوامرك يا سيدي ... عندنا حفلة عنب في موسكو خدي من الميزانية اتنين تلاته مليار و هاتيلك حبة فساتين حلوة كده عشان نظهر بمظهر لائق يا بت يا شاكيرا .. كله فضلة خيرك يا سيدي ..
لأ بومبو ولعيب يا أوباما قوي .. وفعلاً ملهم .. بجد يشجع الواحد أنه يرشح نفسه لرئاسة الجمهورية الفترة الجاية .. أهو بكده ممكن الواحد فينا يعين هيفاء وهبي في البحث العلمي ، و إليسا في التنمية الإدارية وفيفي عبده - غالباً - في الآثار .. أما نانسي عجرم فممكن نخليها تمسك الداخلية ... عشان احنا في طواريء وفيه اجتماعات كل يوم .. أما المتجوزين فينا فممكن يخلوا مراتاتهم بقى يمسكوا وزارة الدفاع .. عشان منشوفهمش غير في الثورات واحتفالات أكتوبر .. ويا دار ما دخلك شر .. 
بحبك يا أوباما يا ملهم .. يا محطم قلوب العذارى .. 
و قلوب الكولومبيات ..

4 comments:

Anonymous said...

هههههه

متستغربش ياحج فارس ... هى الدنيا كده زى ال ...خياره

im-dz said...

wow :p
اذالوكان ابليس كان احسن
هذي بداية سقوط امريكا

FoX HaCkEr said...

هههههههههههههههههههه بقى في احد يشكك في تربيه شاكيرا افضل تربيه :$

Dr.SiLnT HilL said...

هههههههههههه احا امال انت عايز ايه يا فارس ياريتها تكون عندنا دي علي الاقل الصيف داخل وهتطري الجو شويه :((

Post a Comment